Sviðaveisla Jörfa 2012
27.10.2012
Hin árlega sviðaveisla Jörfa var haldin í dag 27.október á fyrsta degi vetrar.Jörfi er ríkur af duglegum félögum sem vinna sviðin sjálfir frá grunni og liggur mikil vinna í undirbúningi. Í dag fengu Jörfafélagar , eiginkonur og stuðningsmenn Jörfafélaga að bragða á herlegheitunum í Broadway við Ármúla þar sem mættir voru 200 manns . Forseti Jörfa Gunnar Ó. Kvaran setti veisluna og bauð alla velkomna sérstaklega kjörumdæmisstjóra Dröfn Sveinsdóttur.
Veislustjóri Friðjón Hallgrímsson var í góðum gír eins og ævinlega. Hjörtur Þórarinsson tók til máls og sagði skemmtilega frá Fjalla Eyvindi sem hann hefur verið að skrá síðustu ár.
Það var samhljóma álit gesta að vel hafi tekist til með þessa frábæru sviðaveislu. Jörfafélagar færa öllum er styrktu þetta bestu þakkir en ágóðinn rennur til Langveikra barna.
GHG
